Државна матура

Државната матура е наменета за учениците од гимназиското и од четиригодишното средно стручно образование. Полагањето на државна матура е неопходно за оние ученици кои своето образование сакаат да го продолжат на државните и на повеќето од приватните универзитети.

Државната матура се полага според посебни испитни програми кои се темелат на целите на наставните програми за соодветните наставни предмети кои се вклучени во листата за државна матура.

Државната матура се состои од испит по 5 предмети меѓу кои и проектната задача. Кандидатите кои се заинтересирани за пријавување на матурата, најпрво треба да одберат проектна задача во соработка со професор-ментор, а потоа да предадат комплетно пополнета пријава кај класните раководители.

За повеќе информации посетете го сајтот на www.matura.gov.mk

Училишна матура

Училишната матура е наменет за учениците од гимназиското образование кои не се определиле за државната матура. Целта на овој испит е добивање сертификат за завршено гимназиско образование.
Училишната матура се полага според посебни испитни програми кои се темелат на целите на наставните програми за соодветните наставни предмети кои се вклучени во листата за училишна матура.
За повеќе информации посетете го сајтот на www.matura.gov.mk

Завршен испит

Овој испит е наменет за учениците од четиригодишното средно стручно образование кои нема да полагаат државна матура. Целта на овој испит е добивање на сертификат за завршено четиригодишно средно стручно образование.

Завршниот испит се полага според посебни испитни програми кои се темелат на целите на наставните програми за соодветните наставни предмети.

Завршниот испит опфаќа: задолжителен дел, изборен дел и проектна задача.

За повеќе информации посетете го сајтот на www.matura.gov.mk