Лична карта
НА СОУ „ГОЦЕ ДЕЛЧЕВ “ ВАЛАНДОВО
Училиштето започнува да работи во учебната 1960/61 година како неполно средно ушилиште со земјоделски смер со практична обука наречено „Каме полизов. Во 1964 година била изградена училишната зграда со што се создале услови за прераснување на училиштето во полно (четиригодишно) средно училиште со образовен профил земјоделски техничар. Во учебната 1966/67 година го завршила школувањето првата генерација матуранти. Подоцна во 1972/73 година во училиштето се воведуваат и гимназиски паралелки како истурени паралелки на струмичката гимназија.
Од почетокот на учебната 1973/74 година со одлика на Собранието на Општина Валандово започнува со работа новооснованата гимназија под името Гоце Делчев кон која се присоединуваат и паралеките од Земјоделската струка со што станува Училишен центар за средно образование.
Поздначајни датуми:
- Во 1991 година училишната зграда беше реконструирана и дограден нов дел.
- Во учебната 2021/22 година воведено е дуалното образование во стручните паралеки.
- Денеска во училиштето се реализираат наставни планови за гимназиско и стручно образование.
ПОВЕЌЕ ЗА УЧЕБНАТА ПРОГРАМА:
- Од стручното образование застапени се секторите: Земјоделство, рибарство и ветеринарство со квалификациите- агротехничар и техничар за фитомедицина, сектор Машинство со квалификација- техничар за компјутерско управување и сектор Здравство и социјална заштита квалификација- дентален асистент.
- Во гимназиското образование, учениците се определуваат за едно од следните две подрачја: општествено-хуманистичко и природно- математичко подрачје. Наставата во училиштето се изведува во современо опремени кабинети со ИТ технологија и наставни помагала.
- Образовно- работната практика учениците од земјоделската струка ја изведуваат на површините од училишната економија. Учење преку работа се реализира во компаниите во општината. Во рамките на училишната економија и училиштето располага со 0,4 хектари лозов насад, 6 хектари житарица, 0,5 хектари насад со јапонско јаболко, 0,2 хектари калинка и други овошни насади. Располага со земјоделска механизација за практична обука и обработка на површините. Во училишната економија училиштето располага со мини винарија, линија за производств на сок од калинка, пластеник, ладилник и други помошни простории.
АКТУЕЛНИ НОВОСТИ
Втора награда на XLV Школа „Млади физичари“
СОУ „Гоце Делчев“ од Валандово – Лидер меѓу училиштата во 3Д печатењето
