Исти сме иако на различен начин учиме
Еразмус + К2 „Исти сме иако на различен начин учиме“ е проект финансиран од Европската Унија и програмата за образование, обука, млади и спорт, Еразмус+ под бр.n.2018-1-MK01-КА229-047115_1.
Целта на проектот е да се подготват учениците и наставниците да ги разберат, прифатат и вклучат лицата со аутизам и социјални пречки во општеството. Времетраењето на проектот е 18 месеци во текот на две учебни години 2018/19 и 2019/20. СОУ „Гоце Делчев“ Валандово е координатор на истиот, а активностите се реализираат во партнерство со уште 4 училишта од Бугарија, Полска, Романија и Литванија.
Во овој проект учествуваат 15 ученици и 3 наставници и 2 стручни соработници од СОУ „Гоце Делчев “Валандово. Изборот на учениците се вршеше преку претходно утврдени критериуми. Учениците сами се пријавуваа со мотивациско писмо напишано на англиски јазик со свои ставови за различноста и како втор критериум-успехот во училиштето.
Првата, втората и третата мобилност се одржаа во учебната 2018/19 година
Првата мобилност се одржа во месец Декември 2018г. во Сандански, Бугарија, втората мобилност се одржа во месец март 2019г. во Сучеава, Романија, а третата мобилност се одржа во месец јуни 2019г. во Полави, Полска.
Четвртата мобилност се одржа во месец септември 2019г. во Паневежес, Литванија каде учествуваа 2 наставника, специјален едукатор и рехабилитатор, директорот и 6 ученици. На мобилноста се реализираа активности кои се предвидени во апликацијата на проектот. Учениците и наставниците имаа заеднички работилници, активности, разменуваа искуства и заеднички се дружеа. Посетуваа установи, училишта и знаменитости.
Петата мобилност воедно и завршна активност се одржа во месец март 2020 г и се одржа во нашето училиште. Учесници беа наставници од партнер училиштата од Литванија и Романија, додека наставниците од Полска и Бугарија беа спречени да присуствуваат поради пандемијата од коронавирусот.
Друга активност која се реализираше преку овој проект во текот на учебната 2018/19 година е и трибината пред поголема публика. По тој повод во холот на училиштето се организираше трибина под наслов „Социјализација-Инклузија- Илузија“ каде предавач беше директорката Љубица Невеселова. Учесници беа сите ученици од нашето училиште. Овој настан се искористи и за обележување на 3 ти Декември- Ден на лицата со попреченост.
