Земјоделство, рибарство и ветеринарство
Избери една од програмите и струките на СОУ „Гоце Делчев“ Валандово.
Техничар за фитомедицина
Примената на современи агротехнички мерки и современи земјоделски машини е важен услов за добивање на високоприносни, квалитетни и конкурентни земјоделски производи.
Земјоделецот ќе треба да се менува во новите, пазарни услови. Тој ќе треба да се сконцентрира на производство на здрава и еколошки прифатлива храна. Само така земјоделецот ќе може да се избори за местото кое заслужено му припаѓа во општеството.
270+
Области на учење
29 : 1
Ученик-наставник
5,723
Годишно запишани
#28
Најдобар успех
Со овој профил ученикот се оспособува да:
- Препознава и идентификува симптоми на болести кај лозарски и овоштарски култури,
- Препознава и идентификува симптоми на болести кај градинарски и цвеќарски култури,
- Препознава и идентификува симптоми на болести кај поледелски култури,
- Препознава и идентификува економски значајни штетници кај зем.култури,
- Препознава и идентификува плевели
- Ги препознава поголем дел од хемиските средства за заштита,
- Да дава правилна и навремена дијагноза и терапија за болестите, плевелите и штетнциите,
- Ги распознава земјоделските машини и уреди,
- Познавање на законските прописи во заштитата на растенијата,
- Препорачување и применување на производи за заштита на растенијата согласно со нивната регистрација
Техничар за фитомедицина може да се вработи во:
- Земјоделски комбинати,
- Земјоделски аптеки,
- Оранжерии,
- Во компании кои се занимаваат со одгледување на повеќегодишни култури (насади со лоза и овошни насади),
- Консултатски фирми од областата на заштита на земјоделските култури,
- Сопствен бизнис,
- Да го продолжи своето образование на соодветна високообразовна институција.
Училиштето располага со:
- Комплетно опремени кабинети за изведување на настава,
- Насад со винова лоза, јапонски јаболки, калинка и овошни култури,
- Пластеник за одгледување на градинарски и цвеќарски култури,
- Површина под поледелски култури,
- Опрема и уреди кои се користат за заштита на насадите од болести, плевели и штетници,
- Трактори и различна приклучна механизација,
- Каталози и брошури со хемиките средства за заштита.
Часовите учење преку работа кај работодавач и феријална практика се изведуваат во фирмите:
- Земјоделска аптека Агромол Мицеви Јосифово,
- Земјоделска аптека Феникс трејд Валандово,
- Пегоагрофруит,
- Денмарк трејд Јосифово,
- Еко оранжерии Анска река Валандово.